കോവിഡ് മൂന്നാം തരംഗം മുന്നൊരുക്ക പ്രവര്ത്തനങ്ങളുടെ ഭാഗമായി ആരോഗ്യ വകുപ്പ് ആരോഗ്യ പ്രവര്ത്തകര്ക്കായി ഹോം കെയര് മാനേജ്മെന്റ് പരിശീലനം സംഘടിപ്പിക്കുന്നതായി ആരോഗ്യമന്ത്രി വീണാ ജോര്ജ്. സംസ്ഥാനത്ത് കുറഞ്ഞ് വന്ന കോവിഡ് കേസുകള് ചെറുതായി ഉയര്ന്ന് വരികയാണ്. ഒമിക്രോണ് കേസുകളും കൂടുകയാണ്. സംസ്ഥാനത്ത് ആകെ 280 പേര്ക്കാണ് ഒമിക്രോണ് സ്ഥിരീകരിച്ചത്. കൂടുതല് രോഗികള് ഉണ്ടാകുന്ന സാഹചര്യത്തില് ഏറ്റവും ഫലപ്രദമാണ് ഗൃഹ ചികിത്സ. ഇതിലൂടെ ആശുപത്രി സംവിധാനങ്ങള്ക്ക് സമ്മര്ദം നല്കാതെ എല്ലാവര്ക്കും മികച്ച പരിചരണം നല്കാനാകും.
കേരളം വളരെ ഫലപ്രദമായി നടപ്പിലാക്കിയതാണ് ഗൃഹ പരിചരണം. കേസുകള് കൂടിയാല് ആശുപത്രി ചികിത്സ ആവശ്യമില്ലാത്തവര്ക്ക് ഗൃഹ പരിചരണം നല്കുന്നതിന് ആരോഗ്യ പ്രവര്ത്തകരെ സജ്ജമാക്കാനാണ് പരിശീലനം സംഘടിപ്പിക്കുന്നതെന്നും മന്ത്രി വ്യക്തമാക്കി.