ഇരിട്ടി : ആറളം ഫാം വർക്കേഴ്സ് യൂനിയൻ(സിഐടിയു) നേതൃത്വത്തിൽ തൊഴിലാളികൾ സൂചനാ പണിമുടക്കും ഫാം ഹെഡാഫീസ് മാർച്ചും ധർണ്ണയും നടത്തി. 240 തൊഴിൽ ദിനങ്ങൾ പൂർത്തീകരിച്ച തൊഴിലാളികളെ സ്ഥിരപ്പെടുത്തുക, സർക്കാർ കൃഷി ഫാം നിരക്കിൽ വേതനം പരിഷ്കരിക്കുക, പ്ലാന്റേഷൻ തൊഴിലാളികൾക്ക് കൃഷിതൊഴിലാളികളുടെ നിരക്കിൽ വേതനം നൽകുക, പ്രഖ്യാപിച്ച വിആർഎസ് നടപ്പാക്കുക, വിരമിച്ച തൊഴിലാളികളുടെ ഗ്രാറ്റുവിറ്റി നൽകുക എന്നീ ആവശ്യങ്ങളുന്നയിച്ചാണ് പ്രക്ഷോഭം. ആറളം ഫാം ഓഫീസ് പടിക്കൽ നടത്തിയ ധർണ്ണ സിഐടിയു ജില്ലാ വൈസ് പ്രസിഡന്റ് വൈ വൈ മത്തായി ഉദ്ഘാടനം ചെയ്തു. ഏരിയാ സെക്രട്ടറി ഇ എസ് സത്യൻ, ജില്ലാ കമ്മിറ്റി അംഗം എൻ ഐ സുകുമാരൻ, ഫാം എംപ്ലോയിസ് യൂണിയൻ സെക്രട്ടറി കെ കെ ജനാർദ്ദനൻ, സിപിഐ എം ഫാം ലോക്കൽ സെക്രട്ടറി പി കെ രാമചന്ദ്രൻ എന്നിവർ സംസാരിച്ചു..ഫാം