ആലപ്പുഴയിലെ കൊലപാതകങ്ങളുടെ പശ്ചാത്തലത്തിൽ അടുത്ത മൂന്നു ദിവസത്തേക്ക് സംസ്ഥാനമൊട്ടാകെ മുൻകരുതൽ നടപടികൾ സ്വീകരിക്കാൻ ഡിജിപി അനിൽകാന്ത് നിർദേശം നൽകി. മുഴുവന് പൊലീസ് സേനാംഗങ്ങളെയും ഇതിനായി നിയോഗിക്കും. വളരെ അടിയന്തര സാഹചര്യങ്ങളില് മാത്രമേ പൊലീസ് ഉദ്യോഗസ്ഥര്ക്ക് അവധി അനുവദിക്കൂ.രാത്രിയും പകലും വാഹനപരിശോധന കര്ശനമാക്കും. പ്രശ്ന സാധ്യതയുളള സ്ഥലങ്ങളില് ആവശ്യമായ പൊലീസ് പിക്കറ്റ് ഏര്പ്പെടുത്തും. വാറന്റ് നിലവിലുളള സാമൂഹ്യവിരുദ്ധരെ പിടികൂടാന് പ്രത്യേക പദ്ധതി നടപ്പിലാക്കും. ക്രിമിനലുകളുടെ പട്ടിക തയാറാക്കി കൃത്യമായ പരിശോധന നടത്തും.
അടുത്ത മൂന്നു ദിവസത്തേക്കു സംസ്ഥാനത്ത് ജാഥ നടത്തുന്നതിനും ഉച്ചഭാഷിണി ഉപയോഗിക്കുന്നതിനും നിയന്ത്രണം ഏര്പ്പെടുത്തും. സ്ഥിതിഗതികള് വിലയിരുത്തുന്നതിനു മുതിര്ന്ന ഉദ്യോഗസ്ഥര് 24 മണിക്കൂറും അവരവരുടെ ആസ്ഥാനത്ത് ഉണ്ടായിരിക്കണമെന്നും പൊലീസ് മേധാവി നിർദേശിച്ചു.