കണ്ണൂര്‍ കോര്‍പ്പറേഷന്‍ സ്വിവറേജ് ട്രീറ്റ്‌മെന്റ് പ്ലാന്റ് നിര്‍മ്മാണ പ്രവൃത്തി നവംബര്‍ 13 ശനി വൈകിട്ട് നാലു മണിക്ക് പടന്നപ്പാലത്ത് തദ്ദേശ സ്വയംഭരണ-എക്‌സൈസ് വകുപ്പ് മന്ത്രി എം വി ഗോവിന്ദന്‍ മാസ്റ്റര്‍ ഉദ്ഘാടനം ചെയ്യും. മേയര്‍ അഡ്വ. ടി ഒ മോഹനന്‍ അധ്യക്ഷനാകും.
കണ്ണൂര്‍ നഗരത്തിലെ കുടിവെള്ള സ്രോതസ്സുകള്‍ മലിനമാകുന്നത് തടയാനുള്ള ശാശ്വത പരിഹാരമെന്ന നിലയിലാണ് അമൃത് പദ്ധതിയില്‍ ഉള്‍പ്പെടുത്തി ട്രീറ്റ്‌മെന്റ് പ്ലാന്റ് വിഭാവനം ചെയ്തിട്ടുള്ളത്. ആദ്യഘട്ടമെന്ന നിലയില്‍ നഗര മധ്യത്തിലെ കാനത്തൂര്‍, താളിക്കാവ് വാര്‍ഡുകള്‍ക്കായി പടന്നപ്പാലം കെ എസ് എ ബി സബ്‌സ്റ്റേഷന് സമീപത്തെ നഗരസഭയുടെ ഉടമസ്ഥതയിലുള്ള സ്ഥലത്താണ് പ്ലാന്റ് സ്ഥാപിക്കുന്നത്.