പേരാവൂർ: തൊണ്ടിയിൽ പാലത്തിന് സമീപം ബസ്സിൽ നിന്ന് റോഡിലേക്ക് തെറിച്ച് വീണ് പരിക്കേറ്റ യാത്രക്കാരിയെ ആസ്പത്രിയിൽ പ്രവേശിപ്പിച്ചു . ശനിയാഴ്ച ഉച്ചക്ക് 2.30 ഓടെയാണ് സംഭവം . താഴെ തൊണ്ടിയിലെ സ്റ്റോപ്പിൽ നിന്ന് തലശ്ശേരി ഭാഗത്തേക്ക് പോകുന്ന ബസ്സിൽ കയറിയ സ്ത്രീയാണ് ബസ് മുന്നോട്ടെടുക്കുന്നതിനിടെ റോഡിലേക്ക് വീണത്. ബസിന്റെ ഡോർ അടക്കുന്നതിനു മുൻപ് ബസ് മുന്നോട്ടെടുത്തതാണ് അപകടത്തിന് കാരണം . ഇരിട്ടി സ്വദേശിനി കടമ്പഞ്ചേരി ലിസിക്കാണ് ( 54 ) പരിക്കേറ്റത് . തലക്ക് ഗുരുതരമായി പരിക്കേറ്റ ലിസിയെ പേരാവൂർ സൈറസ് ആസ്പത്രിയിൽ പ്രാഥമിക ചികിത്സ നല്കിയ ശേഷം തലശ്ശേരിയിലേക്ക് കൊണ്ടുപോയി .
ബസ്സിൽ നിന്ന് റോഡിലേക്ക് തെറിച്ച് വീണ് യാത്രക്കാരിക്ക് പരിക്ക്
