തുടർച്ചയായ പതിനഞ്ചാം ദിവസവും ഇന്ധനവില വർധിപ്പിച്ചു. ഇന്ന് ഡീസലിന് 37 പൈസയും പെട്രോളിന് 30 പൈസയുമാണ് വർധിപ്പിച്ചത്.
ഇതോടെ കൊച്ചിയില് പെട്രോളിന് 103.97 രൂപയും ഡീസലിന് 97.39 രൂപയുമായി. തിരുവനന്തപുരത്ത് പെട്രോൾ ലിറ്ററിന് 105.78 രൂപയും ഡീസൽ 99.08 രൂപയുമാണ്. കോഴിക്കോട് പെട്രോളിന് 104.17 രൂപയും ഡീസലിന് 97.41 രൂപയുമാണ് വില.
രണ്ടാഴ്ച കൊണ്ട് പെട്രോളിന് 2.37 രൂപയും ഡീസലിന് 3.42 രൂപയുമാണ് വർധിച്ചത്. രാജ്യാന്തര വിപണിയില് അസംസ്കൃത എണ്ണ വിലയിലും വര്ധന തുടരുകയാണ്.