വാക്സിനേഷന്‍ യജ്ഞത്തിന്‍റെ ഭാഗമായി നടന്നുവരുന്ന അധ്യാപകരുടെ വാക്സിനേഷന്‍ അധ്യാപക ദിനമായ സെപ്റ്റംബര്‍ അഞ്ചിനകം പൂര്‍ത്തിയാക്കുമെന്ന് ആരോഗ്യ മന്ത്രി വീണാ ജോര്‍ജ് അറിയിച്ചു.
വാക്സിനെടുക്കാന്‍ ശേഷിക്കുന്ന അധ്യാപകര്‍, മറ്റ് സ്കൂള്‍ ജീവനക്കാര്‍ എന്നിവര്‍ തൊട്ടടുത്തുള്ള ആരോഗ്യ പ്രവര്‍ത്തകരുമായി ബന്ധപ്പെടണമെന്നും മന്ത്രി അഭ്യര്‍ഥിച്ചു. തിങ്കളാഴ്ച 4,78,635 പേര്‍ക്ക് വാക്സിന്‍ നല്‍കി.
അതേസമയം, സംസ്ഥാനത്തിന് 8,00,860 ഡോസ് വാക്സിന്‍ കൂടി ലഭ്യമായി. ഇതില്‍ 5,09,640 ഡോസ് വാക്സിന്‍ ഞായറാഴ്ചയും 2,91,220 ഡോസ് വാക്സിന്‍ തിങ്കളാഴ്ചയുമാണ് എത്തിയത്.