ഇരിട്ടി: ആറളം പഞ്ചായത്തിലെ വീര്‍പ്പാട് വാര്‍ഡില്‍ ഓഗസ്റ്റ് 11ന് നടക്കുന്ന ഉപതെരഞ്ഞെടുപ്പില്‍ എല്‍ഡിഎഫ് സ്ഥാനാര്‍ഥിയായി യു.കെ സുധാകരനും യുഡിഎഫ് സ്ഥാനാര്‍ഥിയായി സുരേന്ദ്രന്‍ പാറക്കത്താഴത്തും വരാണിധികാരി കെ.ജി. സന്തോഷ് മുമ്പാകെ പത്രിക സമര്‍പ്പിച്ചു. പത്രിക സമര്‍പ്പണത്തിനുള്ള അവസാന തീയതി ഇന്നാണ്.
എല്‍ഡിഎഫ് സ്ഥാനാര്‍ഥിക്കൊപ്പം സിപിഎം നേതാക്കളായ കെ.ജി ദിലീപ്, വൈ.വൈ മത്തായി, പി.റോസ, എ.ഡി ബിജു എന്നിവരും യുഡിഎഫ് സ്ഥാനാര്‍ഥിക്കൊപ്പം കോണ്‍ഗ്രസ് നേതാക്കളായ വി.ടി.തോമസ്, കെ.വേലായുധന്‍, സാജു യോമസ്, ജോഷി പാലമറ്റം, കേരളാ കോണ്‍ഗ്രസ് -ജേക്കബ് നേതാവ് മാത്തുക്കുട്ടി പന്തപ്ലാക്കല്‍ എന്നിവരും ഉണ്ടായിരുന്നു. സൂക്ഷ്മ പരിശോധന തിങ്കളാഴ്ച നടക്കും.
വീർപ്പാട്: യുഡിഎഫ്, എൽഡിഎഫ് സ്ഥാനാർഥികൾ പത്രിക നൽകി
