സംസ്ഥാനത്തിന് 6,34,270 ഡോസ് വാക്സിന് കൂടി ലഭ്യമായതായി ആരോഗ്യ മന്ത്രി വീണാ ജോര്ജ് അറിയിച്ചു.
1,48,690 ഡോസ് കോവീഷീല്ഡ് വാക്സിന് എറണാകുളത്തും 1,01,500 ഡോസ് കോവിഷീല്ഡ് വാക്സിന് കോഴിക്കോടും രാത്രിയോടെ 1,28,500 ഡോസ് കോവിഷീല്ഡ് വാക്സിന് തിരുവനന്തപുരത്തുമെത്തി.
ഇതോടൊപ്പം 55,580 കോവാക്സിനും തിരുവനന്തപുരത്ത് എത്തിയിട്ടുണ്ട്. ഇതുകൂടാതെ തിരുവനന്തപുരത്ത് ചൊവ്വാഴ്ച രണ്ടു ലക്ഷം ഡോസ് കോവിഷീല്ഡ് വാക്സിന് എത്തിയിരുന്നു.