കോവിഡ് ബാധിച്ച് മരിച്ചവരുടെ മൃതദേഹങ്ങൾ വീട്ടിൽ വയ്ക്കാൻ അനുമതി. കോവിഡ് ബാധിതരുടെ മൃതദേഹങ്ങൾ സംസ്കരിക്കാനുള്ള നിയന്ത്രണങ്ങളിൽ സർക്കാർ ഇളവുവരുത്തി. മൃതദേഹങ്ങൾ ഒരു മണിക്കൂർ വീട്ടിൽവയ്ക്കാം.
ബന്ധുക്കൾക്ക് കാണാനും പരിമിതമായ തോതിൽ മതാചാരങ്ങൾക്കും അനുമതി നൽകിയിട്ടുണ്ട്. എന്നാൽ കോവിഡ് പ്രോട്ടോക്കോൾ കർശനമായി പാലിച്ചുവേണം ചടങ്ങുകൾ നടത്താനെന്നും മുഖ്യമന്ത്രി അറിയിച്ചു.