കേന്ദ്ര സര്‍ക്കാറിെന്‍റ പുതിയ വ്യാപാരനയത്തില്‍ ഫ്ലിപ്പ്കാര്‍ട്ട്, ആമസോണ്‍ ഉള്‍പ്പെടെയുള്ള ഇ-കൊമേഴ്സ് ഭീമന്‍മാര്‍ക്ക് കര്‍ശന നിയന്ത്രണങ്ങള്‍ കൊണ്ടുവരും. ഇനിമുതല്‍ ഇ -കൊമേഴ്സ് വെബ്സൈറ്റുകളിലെ ഉല്‍പ്പന്നങ്ങള്‍ക്ക് ഫ്ലാഷ് സെയില്‍സ് ഉണ്ടാകില്ല. ഉപഭോക്തൃ സംരക്ഷണത്തിനായി ജൂണ്‍ ആറിനകം അഭിപ്രായങ്ങളും നിര്‍ദേശങ്ങളും അറിയിക്കണമെന്ന് ഉപഭോക്തൃവകുപ്പ് ആവശ്യപ്പെട്ടിരുന്നു. ഇതിെന്‍റ അടിസ്ഥാനത്തിലാകും പുതിയ ഭേദഗതി.
വര്‍ഷം മുഴുവന്‍ വാള്‍മാര്‍ട്ടിെന്‍റ ഉടമസ്ഥതയിലുള്ള ഫ്ലിപ്പ്കാര്‍ക്കും ആമസോണും ഫ്ലാഷ് വില്‍പ്പനകള്‍ സംഘടിപ്പിച്ചിരുന്നു. ഉപഭോക്താക്കള്‍ക്ക് കുറഞ്ഞ നിരക്കില്‍ ഉല്‍പ്പന്നങ്ങള്‍ ഇതുവഴി ലഭ്യമാകും. ഇത്തരം ഫ്ലാഷ് വില്‍പ്പന ചെറുകിട കച്ചവടക്കാരെ നഷ്ടത്തിലാക്കിയിരുന്നു. തുടര്‍ന്നാണ് ഇവ നിരോധിക്കാനുള്ള സര്‍ക്കാര്‍ തീരുമാനം.
ഒാണ്‍ലൈന്‍ വ്യാപാരത്തിലെ വഞ്ചനക്കും തട്ടിപ്പിനുമെതിരെയും കൂടാതെ അധാര്‍മിക വ്യാപാര രീതിക്കെതിരെയും നിരവധി ഉപഭോക്താക്കളില്‍നിന്നും വ്യാപാരികളില്‍നിന്നും അസോസിയേഷനുകളില്‍നിന്നും എണ്ണമറ്റ പരാതികളും സര്‍ക്കാറിന് ലഭിച്ചിരുന്നു. ഇതും തീരുമാനത്തിന് കാരണമായതായാണ് വിവരം.
ദീപാവലി, റിപ്പബ്ലിക് ദിനം തുടങ്ങിയ വിശേഷ ദിവസങ്ങളില്‍ ആമസോണും ഫ്ലിപ്പ്കാര്‍ട്ടും ഫ്ലാഷ് സെയില്‍സ് സംഘടിപ്പിച്ചിരുന്നു. വന്‍തോതില്‍ ഉപഭോക്താക്കള്‍ കുറഞ്ഞ നിരക്കില്‍ ഫോണുകള്‍ ഉള്‍പ്പെടെയുള്ള ഉല്‍പ്പന്നങ്ങള്‍ വാങ്ങിക്കൂട്ടിയിരുന്നു. ഇതിനെതിരെയാണ് ചെറുകിട കച്ചവടക്കാരുടെ പരാതി. ഇ -കൊമേഴ്സ് വ്യാപാരത്തില്‍ സുതാര്യത കൊണ്ടുവരാനാണ് സര്‍ക്കാറിെന്‍റ ലക്ഷ്യമെന്നും മന്ത്രാലയം പുറത്തിറക്കിയ കുറിപ്പില്‍ പറയുന്നു.