സം​സ്ഥാ​ന​ത്ത് വ്യാ​ജ വാ​റ്റ് കൂ​ടു​ന്നു ; പ​രി​ശോ​ധ​ന ശ​ക്ത​മാ​ക്കാ​ൻ പോ​ലീ​സ്

ലോ​ക്ഡൗ​ണ്‍ പ്ര​ഖ്യാ​പി​ച്ച് ഒ​രാ​ഴ്ച പി​ന്നി​ട്ട​തോ​ടെ സം​സ്ഥാ​ന​ത്ത് വ്യാ​ജ​മ​ദ്യ നി​ർ​മാ​ണം കൂ​ടി​യെ​ന്ന് റി​പ്പോ​ർ​ട്ട്. ബാ​റു​ക​ളും സ​ർ​ക്കാ​ർ മ​ദ്യ​ശാ​ല​ക​ളും അ​ട​ച്ച​തോ​ടെ​യാ​ണ് പ​ല​യി​ട​ത്തും വ്യാ​ജ​വാ​റ്റ് കേ​ന്ദ്ര​ങ്ങ​ൾ സ​ജീ​വ​മാ​യ​ത്. ലോ​ക്ഡൗ​ണ്‍ നീ​ട്ടി​യേ​ക്കു​മെ​ന്ന റി​പ്പോ​ർ​ട്ടു​ക​ളും വ്യാ​ജ​മ​ദ്യ നി​ർ​മാ​ണ​ത്തി​ന് കാ​ര​ണ​മാ​യി​ട്ടു​ണ്ട്.

ക​ഴി​ഞ്ഞ ദി​വ​സ​ങ്ങ​ളി​ലാ​യി സം​സ്ഥാ​ന​ത്തി​ന്‍റെ വി​വി​ധ​യി​ട​ങ്ങ​ളി​ൽ നി​ന്ന് വ്യാ​ജ​വാ​റ്റ് നി​ർ​മി​ക്കു​ന്ന​തി​നു​ള്ള ഉ​പ​ക​ര​ണ​ങ്ങ​ളും വാ​ഷും പി​ടി​ച്ച സം​ഭ​വ​മു​ണ്ടാ​യി​രു​ന്നു. ഇ​തോ​ടെ​യാ​ണ് വ്യാ​ജ​മ​ദ്യ നി​ർ​മാ​ണം വീ​ണ്ടും സ​ജീ​വ​മാ​യെ​ന്ന വി​ല​യി​രു​ത്ത​ലി​ൽ പോ​ലീ​സ് എ​ത്തി​യ​ത്. ഇ​തോ​ടെ പ​രി​ശോ​ധ​ന ക​ർ​ശ​ന​മാ​ക്കാ​ൻ സ്പെ​ഷ​ൽ സ്ക്വാ​ഡു​ക​ൾ ജി​ല്ല​ക​ൾ തോ​റും രൂ​പീ​ക​രി​ച്ചി​ട്ടു​ണ്ട്.

വ്യാ​ജ​മാ​യി നി​ർ​മി​ക്കു​ന്ന മ​ദ്യ​ത്തി​ന് ആ​വ​ശ്യ​ക്കാ​രും ഏ​റെ​യാ​ണ്. ലി​റ്റ​റി​ന് 1,500 രൂ​പ വ​രെ വി​ല ന​ൽ​കി​യാ​ണ് ആ​വ​ശ്യ​ക്കാ​ർ വ്യാ​ജ​മ​ദ്യം വാ​ങ്ങു​ന്ന​ത്. അ​തി​ർ​ത്തി ജി​ല്ല​ക​ളി​ൽ ത​മി​ഴ്നാ​ട്, ക​ർ​ണാ​ട​ക എ​ന്നി​വ​ട​ങ്ങ​ളി​ൽ നി​ന്നും ക​ട​ത്തു​ന്ന വി​ദേ​ശ​മ​ദ്യ ശേ​ഖ​രം പി​ടി​ക്കു​ന്ന സം​ഭ​വ​ങ്ങ​ളും കൂ​ടി​വ​രി​ക​യാ​ണ്. വ​ലി​യ തോ​തി​ൽ മ​ദ്യം കേ​ര​ള​ത്തി​ലെ​ത്തി​ച്ച് കൂ​ടി​യ വി​ല​യ്ക്ക് വി​ൽ​പ്പ​ന ന​ട​ത്താ​നാ​ണ് അ​ന്യ​സം​സ്ഥാ​ന​ത്തു നി​ന്നും മ​ദ്യം ക​ട​ത്തു​ന്ന​ത്. ഇ​തോ​ടെ ചെ​ക്ക്പോ​സ്റ്റു​ക​ളി​ൽ പോ​ലീ​സ് നി​രീ​ക്ഷ​ണം ശ​ക്ത​മാ​ക്കി.

ലോ​ക്ഡൗ​ണി​ൽ ജോ​ലി​ഭാ​രം താ​ങ്ങാ​ൻ ബു​ദ്ധി​മു​ട്ടു​ന്ന പോ​ലീ​സി​ന് വ്യാ​ജ​മ​ദ്യ നി​ർ​മാ​ണം കൂ​ടു​ത​ൽ ത​ല​വേ​ദ​ന​യാ​യി​രി​ക്കു​ക​യാ​ണ്. ഒ​ന്നാം ത​രം​ഗ​ത്തി​നി​ടെ​യും സം​സ്ഥാ​ന​ത്ത് വ്യാ​ജ​മ​ദ്യ നി​ർ​മാ​ണം കൂ​ടി​യി​രു​ന്നു. മ​ദ്യ​ല​ഭി​ക്കാ​തെ ആ​ളു​ക​ൾ മ​രി​ച്ച സം​ഭ​വ​വും റി​പ്പോ​ർ​ട്ട് ചെ​യ്തി​രു​ന്നു.