മട്ടന്നൂര്: കരുത്തിന്റെയും നിശ്ചയദാര്ഢ്യത്തിന്റെയും പ്രതീകമായിരുന്നു കെ.ആര്. ഗൗരിയമ്മയെന്ന് മന്ത്രി കെ.കെ. ശൈലജ അനുസ്മരിച്ചു. ഭൂപരിഷ്കരണ നിയമത്തിലൂടെ ആധുനിക കേരളത്തിന്റെ രൂപവത്കരണത്തിന് ഏറ്റവും വലിയ സംഭാവന അവര് നല്കി. കുട്ടിക്കാലം മുതല് തന്നെ ഗൗരിയമ്മയുടെ ധീരമായ ജീവിതം തനിക്ക് പ്രചോദനമായിരുന്നു. നിയമസഭയില് എത്തിയപ്പോള് പ്രതിപക്ഷത്തായിരുന്നെങ്കിലും എല്ലാവിധ ഉപദേശങ്ങളും നിര്ദേശങ്ങളും അവര് നല്കി. മന്ത്രിയായതിന് ശേഷം പോയി കണ്ടപ്പോള് മുന്നിലെത്തുന്ന ഫയലുകള് അന്നന്ന് തീര്പ്പാക്കണമെന്നും ശരിയെന്ന് ബോധ്യമുള്ള കാര്യങ്ങള് ചെയ്യാന് ഒരിക്കലും മറ്റൊരു ദിവസത്തേക്ക് വയ്ക്കരുതെന്നുമുള്ള ഉപദേശമാണ് നല്കിയത്. കൊടിയ പീഢനങ്ങള്ക്ക് വിധേയയായിട്ടും തളരാതിരുന്ന അവര് എല്ലാ രാഷ്ട്രീയ പ്രവര്ത്തകര്ക്കും ഊര്ജവും മാതൃകയുമാണെന്ന് ശൈലജ പറഞ്ഞു.