കേളകം: കേളകം പോലീസിന്‍റെ നേതൃത്വത്തില്‍ കേളകം, കൊട്ടിയൂര്‍, കണിച്ചാര്‍ പഞ്ചായത്തുകളിലെ വ്യാപാരി പ്രതിനിധികളുടെ യോഗം ചേര്‍ന്നു. കോവിഡ് മാനദണ്ഡങ്ങള്‍ കൃത്യമായി പാലിക്കാത്ത കടയുടമകള്‍ക്കെതിരേ ശക്തമായ നടപടികള്‍ സ്വീകരിക്കുമെന്ന് പോലീസ് അറിയിച്ചു. കടകളില്‍ രണ്ട് സാനിറ്റൈസറുകള്‍ വയ്ക്കണം. ഒന്ന് കടയുടമയ്ക്കും മറ്റൊന്ന് കടയില്‍ വരുന്ന ആളുകള്‍ക്കുമായാണ് ഉപയോഗിക്കേണ്ടത്.
സാമൂഹിക അകലം പാലിക്കുന്നതിനായി കടകള്‍ക്ക് മുന്നില്‍ വൃത്തം വരയ്ക്കണം. ഒരേസമയം കൂടുതല്‍ ആളുകളെ കയറ്റരുത്. കടകളില്‍ എത്തുന്നവരുടെ പേരും ഫോണ്‍ നമ്പറുകളും കടക്കാര്‍ തന്നെ എഴുതണമെന്നും എസ്എച്ച്ഒ എ. വിപിന്‍ദാസ് യോഗത്തില്‍ വ്യാപാരികളോട് ആവശ്യപ്പെട്ടു. വ്യാപാരി പ്രതിനിധികളായ ജോര്‍ജുകുട്ടി വാളുവെട്ടിക്കല്‍, ജോസഫ് പാറയ്ക്കല്‍, ജോണ്‍ കാക്കരമറ്റം, മത്തായി മുലേച്ചാലില്‍, സി.കെ.വിനോദ്, ജോസ് ആവണംകോട്ട്, ടി.പി.ഷാജി എന്നിവര്‍ യോഗത്തില്‍ പങ്കെടുത്തു.
കടകളില്‍ കോവിഡ് മാനദണ്ഡങ്ങള്‍ ഉറപ്പാക്കണം
