കൊട്ടിയൂർ: കൊട്ടിയൂർ പഞ്ചായത്തിലെ മുഴുവൻ ടൗണുകളും അടച്ചിടാൻ തീരുമാനം.നാളെ (30-04-2021) മുതൽ 5 ദിവസത്തേക്ക് ടൗൺ പൂർണമായും അടച്ചിടാൻ ആണ് സേഫ്റ്റി കമ്മിറ്റി തീരുമാനം. ഇന്ന് ഓൺലൈനായി ചേർന്ന സേഫ്റ്റി കമ്മിറ്റിയിലാണ് തീരുമാനം.
അവശ്യ വസ്തുക്കൾ വിൽക്കുന്ന (അനാദി, പച്ചക്കറി, മത്സ്യം, മാംസം, പാൽ) സ്ഥാപനങ്ങൾക്ക് മാത്രമേ പ്രവർത്തനാനുമതിയുണ്ടാകൂ.ഇവയുടെ പ്രവൃത്തി സമയം രാവിലെ 8 മുതൽ വൈകിട്ട് 6 വരെയായി പുന:ക്രമീകരിച്ചിട്ടുണ്ട്.
മാസ്ക്ക് കൃത്യമായി ധരിക്കാത്തവരുടെയും, ക്വാറന്റൈൻ ലംഘിക്കുന്നവരുടെയും, അനാവശ്യമായി ടൗണിലൂടെ നടക്കുന്നവരുടെയും പേരിൽ കർശന നടപടിയെടുക്കാൻ യോഗം തീരുമാനിച്ചു.
കോവിഡ് മാനദണ്ഡങ്ങൾ കൃത്യമായി പാലിക്കാൻ എല്ലാവരും തയ്യാറാകണമെന്ന് പഞ്ചായത്ത് പ്രസിഡന്റ് റോയി നമ്പുടാകം അഭ്യർത്ഥിച്ചു.