കൊട്ടിയൂർ ആയുഷ് സിദ്ധ ഡിസ്പെൻസറിയുടെ നേതൃത്വത്തിൽ കൂനംപള്ള കോളനിയിൽ മഴക്കാല പകർച്ചവ്യാധികളെ കുറിച്ചുള്ള ബോധവത്കരണ ക്ലാസും പ്രതിരോധമരുന്ന് വിതരണവും നടത്തി. പ്രതിരോധ മരുന്നുകൾ കോളനിയിലെ ചന്തു മൂപ്പന് നൽകി പഞ്ചായത്ത് പ്രസിഡൻറ് റോയ് നമ്പുടാകം ക്യാമ്പ് ഉദ്ഘാടനംചെയ്തു. പഞ്ചായത്തംഗം ബാബു മാങ്കോട്ടിൽ അധ്യക്ഷതവഹിച്ചു. തോമസ് പൊട്ടനാനിക്കൽ സംസാരിച്ചു. സിദ്ധ മെഡിക്കൽ ഓഫീസർ ഡോ. ഒ. സൗമ്യ ക്ലാസ് നയിച്ചു.