വോട്ടെണ്ണൽ നടക്കുന്ന മേയ് രണ്ടിന് വോട്ടെണ്ണൽ കേന്ദ്രങ്ങളിൽ രാഷ്‌ട്രീയ കക്ഷികളുടെ ഏജന്‍റുമാർക്കും മാധ്യമപ്രവർത്തകർക്കും വോട്ടെടുപ്പ് ക്രമീകരണങ്ങൾക്ക് നേതൃത്വം നല്കുന്ന ഉദ്യോഗസ്ഥർക്കും മാത്രമേ പ്രവേശനം ഉണ്ടാവുകയുള്ളൂവെന്നു മുഖ്യമന്ത്രി.
വോട്ടെണ്ണൽ ദിവസമോ തുടർന്നുള്ള ദിവസങ്ങളിലോ ആഹ്ളാദപ്രകടനങ്ങൾ പാടില്ല. രണ്ട് ഡോസ് കോവിഡ് വാക്സിൻ സ്വീകരിച്ചവരെയോ വോട്ടെണ്ണലിന്റെ 72 മണിക്കൂർ മുന്പ് ആർടിപിസിആർ ടെസ്റ്റ് എടുത്തവരെയോ മാത്രമേ വോട്ടെണ്ണൽ കേന്ദ്രങ്ങളിൽ പ്രവേശിപ്പിക്കൂ. ഉദ്യോഗസ്ഥർക്കും ഈ നിബന്ധന ബാധകമാണ്.