തിരുവനന്തപുരം: സംസ്ഥാനത്ത് നടന്നുകൊണ്ടിരിക്കുന്ന എസ്എസ്എൽസി, പ്ലസ് ടു പരീക്ഷകളിൽ മാറ്റമില്ല. ഈ മാസം എട്ടിന് ആരംഭിച്ച എസ്എസ്എൽസി പരീക്ഷ 29-നും പ്ലസ് ടു പരീക്ഷ 26-നും അവസാനിക്കും. അതേസമയം പ്ലസ് വൺ പരീക്ഷ എപ്പോൾ നടത്തണമെന്നതിൽ അന്തിമ തീരുമാനമായിട്ടില്ല. അടുത്ത അധ്യയന വർഷം ആരംഭിക്കുന്നതിനെക്കുറിച്ച് ഇപ്പോഴും അവ്യക്തത നിലനിൽക്കുകയാണ്. കോവിഡ് കേസുകൾ ദിനംപ്രതി കൂടി വരുന്ന സാഹചര്യം ആയതിനാൽ കൂടിയാലോചനകൾക്ക് ശേഷമാകും അടുത്ത അധ്യയന വർഷത്തെ കാര്യങ്ങളിൽ തീരുമാനമെടുക്കുക.