ഇരിട്ടി: 2019-20 വര്‍ഷത്തെ ജില്ലയിലെ മികച്ച എന്‍എസ്എസ് യൂണിറ്റായി തെരഞ്ഞെടുക്കപ്പെട്ട വെളിമാനം സെന്‍റ് സെബാസ്റ്റ്യന്‍സ് ഹയര്‍ സെക്കന്‍ഡറി സ്‌കൂളിനും ബെസ്റ്റ് പ്രോഗ്രാം ഓഫീസറായി തെരഞ്ഞെടുക്കപ്പെട്ട സജി ജോസഫിനുമുള്ള അവാര്‍ഡ് തിരുവനന്തപുരം കോട്ടണ്‍ ഹില്‍ ഓഡിറ്റോറിയത്തില്‍ നടന്ന ചടങ്ങില്‍ വിതരണം ചെയ്തു. സംസ്ഥാന പൊതുവിദ്യാഭ്യാസ ഡയറക്ടര്‍ ജീവന്‍ ബാബു അവാർഡ് നൽകി. എന്‍എസ്എസ് സംസ്ഥാന പ്രോഗ്രാം കോ-ഓര്‍ഡിനേറ്റര്‍ ഡോ. ജേക്കബ് ജോണ്‍ , ഹയര്‍ സെക്കന്‍ഡറി അക്കാഡമിക് ജോയിന്‍റ് ഡയറക്ടര്‍ ഡോ. പി.പി. പ്രകാശന്‍ , കാലിക്കട്ട് സര്‍വകലാശാല ഇടിഐ ഡയറക്ടര്‍ ഡോ.എന്‍.എം.സണ്ണി എന്നിവര്‍ പങ്കെടുത്തു.
എന്‍എസ്എസ് യൂണിറ്റിനെയും ബെസ്റ്റ് പ്രോഗ്രാം ഓഫീസര്‍ അവാര്‍ഡ് നേടിയ സജി ജോസഫിനെയും സ്കൂൾ പിടിഎ അനുമോദിച്ചു. പ്രസിഡന്‍റ് ഷാജന്‍ വെള്ളാപ്പാണി അധ്യക്ഷത വഹിച്ചു.
സ്‌കൂള്‍ മാനേജര്‍ ഫാ.ജോര്‍ജ് കളപ്പുര, പ്രിന്‍സിപ്പല്‍ ഷാജി കെ. ചെറിയാന്‍ , മുഖ്യാധ്യാപിക മേഴ്‌സി മരിയ, മദര്‍ പിടിഎ പ്രസിഡന്‍റ് സെലിന്‍ സാബു, വിന്‍സ്റ്റണ്‍ തോമസ്, പ്രിന്‍റി ജോസ് എന്നിവര്‍ പ്രസംഗിച്ചു.
വെളിമാനം സെന്‍റ് സെബാസ്റ്റ്യന്‍സ് സ്‌കൂളിന് അവാർഡ്
