പേരാവൂർ: പേരാവൂർ താലൂക്ക് ആശുപത്രിയുടെ നേതൃത്വത്തിൽ ഇന്നും നാളെയും പേരാവൂർ സെന്റ് ജോസഫ്സ് ഹയർ സെക്കൻഡറി സ്കൂൾ ഗ്രൗണ്ടിൽ രാവിലെ ഒൻപത് മുതൽ ഉച്ചയ്ക്ക് രണ്ടു വരെ കോവിഡ് ടെസ്റ്റ് (ആന്റിജൻ /ആർടിപിസിആർ) നടത്തുമെന്ന് സൂപ്രണ്ട് ഇൻ ചാർജ് ഡോ. ഷഫീർ ബാബു അറിയിച്ചു. 45 വയസിന് മുകളിൽ പ്രായമുള്ളവർ (ഇതുവരെയും വാക്സിൻ എടുക്കാത്തവർ), തെരഞ്ഞെടുപ്പ് ഡ്യൂട്ടിയിലുണ്ടായിരുന്നവർ, പൊതുജനങ്ങളുമായി നേരിട്ട് ബന്ധപ്പെടുന്ന ജോലി ചെയ്യുന്നവർ, കോവിഡ് പോസിറ്റീവ് രോഗികളുമായി നേരിട്ട് ഇടപഴകിയവർ തുടങ്ങി രോഗലക്ഷണമുള്ള ആർക്കും ടെസ്റ്റ് ചെയ്യാം. കേളകം, കൊട്ടിയൂർ, കണിച്ചാർ, കോളയാട്, മാലൂർ, മുഴക്കുന്ന്, പേരാവൂർ എന്നീ പഞ്ചായത്തുകളിലുള്ളവർ സൗകര്യം വിനിയോഗിക്കണമെന്നും ഡോ. ഷഫീർ ബാബു അറിയിച്ചു.