കണ്ണൂർ : ജില്ലയിൽ വെള്ളിയാഴ്ച സർക്കാർ മേഖലയിൽ ഒൻപത് ആരോഗ്യ കേന്ദ്രങ്ങളിൽ കോവിഡ് പ്രതിരോധ വാക്‌സിനേഷൻ നടക്കും. കണ്ണൂർ ജൂബിലി മിഷൻ ഹാൾ കോവിഡ് മെഗാ വാക്‌സിനേഷൻ കേന്ദ്രമായി പ്രവർത്തിക്കും. മെഗാ വാക്‌സിനേഷൻ ക്യാമ്പുകളിൽ 500-1000 പേർക്കുള്ള വാക്‌സിനേഷൻ സൗകര്യം ഒരുക്കിയിട്ടുണ്ട്. സർക്കാർ കേന്ദ്രങ്ങൾ കൂടാതെ 17 സ്വകാര്യ ആസ്പത്രികളും വെള്ളിയാഴ്ച വാക്‌സിനേഷൻ കേന്ദ്രങ്ങളായി പ്രവർത്തിക്കും. സർക്കാർ കേന്ദ്രങ്ങളിൽ വാക്‌സിനേഷൻ സൗജന്യമാണ്. സ്വകാര്യ ആസ്പത്രികളിൽ സർക്കാർ നിശ്ചയിച്ച നിരക്കായ 250 രൂപ നൽകണം.
സ്വകാര്യ ആസ്പത്രികൾ ഇവ: പയ്യന്നൂർ അനാമയ, സബാ, സഹകരണാസ്പത്രി, ഐ ഫൌണ്ടേഷൻ, കണ്ണൂർ ശ്രീചന്ദ്, ധനലക്ഷ്മി, ആസ്റ്റർ മിംസ്, ജിം കെയർ, കിംസ്റ്റ്, മാധവറാവു സിന്ധ്യ, അശോക, ഇരിട്ടി അമല, തലശ്ശേരി ടെലി മെഡിക്കൽ സെന്റർ, മിഷൻ, ഇന്ദിരാഗാന്ധി സഹകരണ ആസ്പത്രി, പഴയങ്ങാടി ഡോ. ബീബിസ്, തളിപ്പറമ്പ് ലൂർദ്