പേരാവൂര്:പേരാവൂർ ടൗണില് ഗതാഗതക്കുരുക്ക് നിത്യ സംഭവമാകുന്നു.പേരാവൂര് ടൗണ് ജംഗ്ഷന് മുതല് കൊട്ടിയൂര് റോഡിലാണ് ഗതാഗതക്കുരുക്ക്. റോഡിനിരുവശവും ഇരുചക്രവാഹനങ്ങള് ഉള്പ്പെടെ പാര്ക്ക് ചെയ്യുന്നതും ചില കച്ചവട സ്ഥാപനങ്ങള്ക്ക് മുന്നില് വാഹനങ്ങള് വച്ച് സാധനങ്ങള് വാങ്ങുന്നതും, സാധനങ്ങള് കയറ്റി ഇറക്കുന്നതുമൊക്കെയാണ് പലപ്പോഴും ഗതാഗതക്കുരുക്കിനിടയാക്കുന്നത്. ബുധനാഴ്ച്ച ഉച്ചയോടെ ഉണ്ടായ ഗതാഗതക്കുരുക്കഴിക്കാന് പേരാവൂര് ഡി.വൈ.എസ്.പി. തന്നെ നേരിട്ടെത്തി.പേരാവൂര് ഡി.വൈ.എസ്.പി. ടി.പി.ജേക്കബിന്റെ നേതൃത്വത്തിലാണ് ട്രാഫിക് നിയന്ത്രിച്ച് ഗതാഗതക്കുരുക്കഴിച്ചത്.റോഡരികില് അനധികൃതമായി പാര്ക്കു ചെയ്യുന്ന വാഹനങ്ങള്ക്കെതിരെ കര്ശന നടപടിക്കൊരുങ്ങുകയാണ് പോലീസ്.
previous post