ചെങ്ങോം :തിരഞ്ഞെടുപ്പ് പ്രചാരണത്തിന്റെ ഭാഗമായി ചെങ്ങോം പുളിയങ്കാവ് ജംക്ഷനിലും ചെങ്ങോം പള്ളിക്ക് സമീപവും ശനിയാഴ്ച രാത്രി കോൺഗ്രസ് പ്രവർത്തകർ സ്ഥാപിച്ച ബോർഡുകൾ നശിപ്പിച്ചതായി പരാതി.
കോൺഗ്രസ് പ്രവർത്തകർ ബോർഡുകൾ സ്ഥാപിക്കുമ്പോൾ സ്ഥലത്ത് മറ്റ് സ്ഥാനാർത്ഥിയുടെ ബോർഡുകൾ ഉണ്ടായിരുന്നില്ല. എന്നാൽ പുലർച്ചെ സണ്ണി ജോസഫ് എംഎൽഎയുടെ ബോർഡുകൾ അപ്രത്യക്ഷമാവുകയും മറ്റ് സ്ഥാനാർഥിയുടെ ബോർഡുകൾ പ്രത്യക്ഷപ്പെടുകയുമായിരുന്നു.
ബോർഡുകൾ നശിപ്പിച്ചതുമായി ബന്ധപ്പെട്ട് മണ്ഡലം പ്രസിഡന്റ്‌ മൈക്കിൾ മാലത്തിന്റെയും യൂത്ത് കോൺഗ്രസ് പ്രസിഡന്റ്‌ സിനോ ജോസ് തുടങ്ങിയവരുടെ നേതൃത്വത്തിൽ കേളകം പോലീസിൽ പരാതി നൽകി.