കൊച്ചിക്ക് അഭിമാനകരമായ നേട്ടം, ഇത് രണ്ടാം വട്ടം, അർബൻ ട്രാൻസ്‌പോർട്ടിലെ മികവിനുള്ള പുരസ്കാരം

കൊച്ചി: “ഏറ്റവും സുസ്ഥിര ഗതാഗത സംവിധാനമുള്ള നഗരം” എന്ന വിഭാഗത്തിൽ കൊച്ചിക്ക് “അർബൻ ട്രാൻസ്‌പോർട്ടിലെ മികവിനുള്ള അവാർഡ്”. ഇന്ത്യാ ഗവൺമെൻ്റ് ഓഫ് ഹൗസിംഗ് ആൻഡ് അർബൻ അഫയേഴ്‌സ് (MoHUA) നടത്തുന്ന ദേശീയ മത്സരത്തിൻ്റെ ഭാഗമായ ഈ അംഗീകാരം രണ്ടാം തവണയാണ് കൊച്ചിക്ക് ലഭിക്കുന്നത്, ആദ്യത്തേത് 2021-ലായിരുന്നു. ഇന്ത്യയിലുടനീളമുള്ള നഗര ഗതാഗത, മൊബിലിറ്റി മേഖലയിൽ മികച്ച പരിശീലനങ്ങളും വിജ്ഞാന കൈമാറ്റവും പ്രോത്സാഹിപ്പിക്കുന്നതിന് ലക്ഷ്യമിട്ടുള്ള വാർഷിക പരിപാടിയാണ് MoHUA നടത്തുന്ന യുഎംഐ 2024 (അർബൻ മൊബിലിറ്റി ഇന്ത്യ 2024). ഇതിന്റെ ഭാഗമായാണ് മത്സരം നടക്കുന്നത്.