സബ്സിഡി നിരക്കിൽ തേനീച്ച കോളനി കർഷകർക്ക് വിതരണം ചെയ്തു

കേളകം: കൃഷിഭവന്റെ നേതൃത്വത്തിൽ സബ്സിഡി നിരക്കിൽ തേനീച്ച കോളനിയും അനുബന്ധ സാധനങ്ങളും കർഷകർക്ക് വിതരണം ചെയ്തു. കേളകം പഞ്ചായത്തിൽ ഹോർട്ടികോർപ്പ് ഈ വർഷം നടത്തിയ തേനീച്ച കൃഷി പരിശീലനത്തിൽ പങ്കെടുത്തവർക്കാണ് ഹോർട്ടികോർപ്പ് സബ്സിഡി നിരക്കിൽ തേനീച്ച കോളനിയും അനുബന്ധ സാധനങ്ങളും കേളകം ബസ്റ്റാൻഡിൽ വച്ച് വിതരണം ചെയ്തത്. തേനീച്ച കൃഷി പരിശീലനത്തിന്റെ ക്ലാസ് കണ്ണൂർ ജില്ലയിൽ രണ്ടു പഞ്ചായത്തുകൾക്കാണ് അനുവദിച്ചിട്ടുള്ളത്. അതിലൊന്ന് കേളകം ഗ്രാമപഞ്ചായത്ത് ആണ്.