കൊല്ലം: കൊല്ലത്ത് പരിസ്ഥിതി പ്രവര്ത്തകനെ ആക്രമിച്ച കേസിലെ തൊണ്ടിമുതലുകള് പൊലീസ് കസ്റ്റഡിയില് നിന്ന് കാണാതായി. വിചാരണ തുടരുന്ന കേസില് കോടതി സൂക്ഷിക്കാന് നല്കിയ തൊണ്ടിമുതലാണ് പൂയപ്പള്ളി പൊലീസ് സ്റ്റേഷനില് നിന്ന് നഷ്ടപ്പെട്ടത്. പ്രതികളെ സഹായിക്കുന്നതിന് വേണ്ടി പൊലീസ് ബോധപൂര്വ്വം തൊണ്ടിമുതല് നശിപ്പിച്ചെന്നാണ് പരിസ്ഥിതി പ്രവര്ത്തകനായ വി കെ സന്തോഷ് കുമാറിന്റെ പരാതി.