കൂട്ടുപുഴ എക്സൈസ് ചെക്ക്പോസ്റ്റിൽ എം.ഡി.എം.എയും കഞ്ചാവുമായി രണ്ടു പേർ പിടിയിൽ

ഇരിട്ടി : എം.ഡി.എം.എയും കഞ്ചാവുമായി രണ്ടംഗസംഘം കൂട്ടുപുഴ എക്സൈസ് ചെക്ക്പോസ്റ്റിൽ പിടിയിലായി. 1.350 ഗ്രാം എം.ഡി.എം.എ കൈവശം വെച്ചതിന് തലശരി ധർമ്മടത്തെ എം.അഫ്‌സൽ(36), കഞ്ചാവ് കൈവശം വെച്ചതിന് തലശേരി കോട്ടയം കിണവക്കിൽ എം. മുഹമ്മദ് ഷെറിന് ഫാദ് എന്നിവരെയാണ് എക്സൈസ് ഇൻസ്പെക്ടർ പി.എം. മുഹമ്മദ് ഷഫീക്കും സംഘവും ചേർന്ന് പിടികൂടിയത്. ഇവരുടെ പേരിൽ എൻ.ഡി.പി.എസ് കേസെടുത്തു. അസിസ്റ്റന്റ് എക്സൈസ് ഇൻസ്പെക്ടർ (ഗ്രേഡ്‌) അഷ്റഫ് മലപ്പട്ടം, പി.പി.യേശുദാസൻ, പ്രിവന്റീവ് ഓഫീസർ (ഗ്രേഡ്) വി.പി.ശ്രീകുമാർ, ഇ.സുജിത്, സിവിൽ എക്സൈസ് ഓഫീസർ ഫെമിൻ എന്നിവരും പ്രതികളെ പിടികൂടിയ സംഘത്തിൽ ഉണ്ടായിരുന്നു.