വഴിതെറ്റിയെത്തിയ വയോധികയെ പോലീസ് നാട്ടിലെത്തിച്ചു.

വെള്ളിയാഴ്ച്ച ഉച്ചയോടെ ആയിരുന്നു പെരുമ്പുന്ന സ്വദേശി പുത്തൻപുരയിൽ ഡെയ്സിയുടെ വീട്ടിൽ വഴി തെറ്റിയെത്തിയത്. സംഭവ സമയത്ത് ഡെയ്സി കുടുംബവും വീട്ടിൽ ഉണ്ടായിരുന്നില്ല. അയൽവാസികളാണ് വീട്ടുമുറ്റത്തിരിക്കുന്ന വയോധികയെ ശ്രദ്ധയയിൽ പെട്ടത്. അവരെത്തെ അന്വേഷിച്ചപ്പോൾ പരസ്പര ബന്ധമില്ലാതെ ഇവർ സംസാരിക്കാൻ തുടങ്ങിയതോടെ നാട്ടുകാർ വാർഡ് മെമ്പറെ വിവരം അറിയിച്ചു. വാർഡ് മെമ്പർ വി.എം. രഞ്ചുഷ ഇവിടെയെത്തുകയും പേരാവൂർ പോലീസിൽ വിവരമറിക്കുകയും ചെയ്തു. പോലീസ് സ്ഥലത്തെത്തി വയോധികയോട് കാര്യങ്ങൾ ചോദിച്ചെങ്കിലും പരസ്പര ബന്ധമില്ലാതെയാണ് അവരോടും പറഞ്ഞത്.
എന്തൊക്കെയോ പറയുന്ന കൂട്ടത്തിൽ മാലൂർ / രാജീവൻ എന്നെക്കെ പറഞ്ഞതോടെ പോലീസ് വയോധികയുടെ ചിത്രം പകർത്തി മാലൂർ പോലീസിന് കൈമാറി തുടർന്ന് നടത്തിയ അന്വേഷണത്തിലാണ് മാലൂർ അരിങ്ങോട്ടുവയൽ സ്വദേശിയാണെന്ന് മനസിലായത്. ഓർമ്മക്കുറവുള്ള ഇവർ എങ്ങനെ ഇവിടെ എത്തിയെന്നറിയില്ല. ഒടുവിൽ പോലീസ് വാഹനത്തിൽ കയറ്റി ഇവരെ സുരക്ഷിതമായി വീട്ടിലെത്തിച്ചു.