കണ്ണൂരിൽ നിന്നും ശബരിമല ഡ്യൂട്ടിക്ക് ട്രെയിനിൽ പുറപ്പെട്ട പോലീസുകാരനെ കാണാതായി

കണ്ണൂർ: കണ്ണൂരിൽ നിന്നും ശബരിമല ഡ്യൂട്ടിക്ക് ട്രെയിനിൽ പുറപ്പെട്ട പോലീസുകാരനെ കാണാതായി. മാങ്ങാട്ടുപറമ്പ് കെ എ പി IV ജി കമ്പനി എ എസ് ഐ എസ്. ഹസീം (40)നെയാണ് കാണാതായത്. 13ന് രാത്രി 9 മണിക്കാണ് ഹസീം ട്രെയിനിൽ കയറിയത്. എന്നാൽ ശബരിമലയിൽ ഡ്യൂട്ടിക്ക് എത്താത്തതിനെ തുടർന്ന് കമാന്റിംഗ് ഓഫീസർ എ രാജീവൻ്റെ പരാതി നൽകുകയും പരാതിയിൽ തളിപ്പറമ്പ് പോലീസ് കേസെടുക്കുകയും ചെയ്തു.