കോഴിക്കോട്: ഹെൽമറ്റ് വെക്കാത്തതിന്റെ പേരിൽ വണ്ടിയുടെ താക്കോൽ പൊലീസ് ഊരിയെടുത്തതിനാൽ ആയിരക്കണക്കിന് രൂപയുടെ മീൻ ചീഞ്ഞുപോയെന്ന് പരാതി. മീൻ വിൽപനക്കാരനായ ടി കെ അപ്പുക്കുട്ടിയാണ് പരാതിക്കാരൻ. കോഴിക്കോട് കാക്കൂർ പൊലീസിനെതിരെയാണ് ആക്ഷേപം.
ഹെൽമെറ്റ് വെക്കാത്തതിന്റെ പേരിൽ തന്റെ ബൈക്കിന്റെ താക്കോൽ പൊലീസ് ഊരിയെടുത്തെന്നാണ് അപ്പുക്കുട്ടി പറയുന്നത്. എന്നാൽ ഇക്കാര്യം പൊലീസ് നിഷേധിച്ചു. താക്കോൽ ഊരിയെടുത്തിട്ടില്ല. അപ്പുക്കുട്ടി ബൈക്കിൽ നിന്ന് ഇറങ്ങി പോയതാണെന്നും പൊലീസ് പറയുന്നു.