ആറളം ഫാമിൽ വീടിന് നേരെ വീണ്ടും കാട്ടാനയുടെ ആക്രമണം

ആറളം ഫാമിൽ വീടിന് നേരെ വീണ്ടും കാട്ടാനയുടെ ആക്രമണം. ആറളം ഫാം പത്താം ബ്ലോക്കിലെ താളിപ്പാറയിൽ ഷിജുവിന്റെ വീടിന് നേരെയാണ് ആക്രമണം ഉണ്ടായത്. വീട്ടിലെ ശൗചാലയം പൂർണമായും തകർന്നു. ചുമരിനും വിള്ളൽ സംഭവിച്ചിട്ടുണ്ട്. തലനാരിഴയ്ക്കാണ് വീട്ടുകാർ രക്ഷപെട്ടത്. നാല് ദിവസം മുമ്പ് ആറളം ഫാമിലെ പത്താം ബ്ലോക്കിലെ ആനമുക്കിലെ രമയുടെ വീടും കാട്ടാന തകർത്തിരുന്നു.