തിരുവനന്തപുരം: ബിജെപി ജില്ലാ കമ്മിറ്റി അംഗം ഫ്രാൻസിസ് ആൽബർട്ട് കോൺഗ്രസിൽ ചേർന്നു. നേരത്തെ കോൺഗ്രസ് നേതാവായിരുന്ന അദ്ദേഹം പാർട്ടി വിട്ട് ബിജെപിയിൽ ചേരുകയായിരുന്നു. ഇപ്പോൾ കോൺഗ്രസിൽ തിരിച്ച് എത്തിയിരിക്കുകയാണ്. തിരുവനന്തപുരം കോൺഗ്രസ് സ്ഥാനാർത്ഥി ശശി തരൂർ എംപി, എം എം ഹസ്സൻ എന്നിവർ ചേർന്നാണ് ഫ്രാൻസിസ് ആൽബർട്ടിനെ കോൺഗ്രസ് പാർട്ടിയിലേക്ക് സ്വീകരിച്ചത്.
ബിജെപി നേതാക്കൾ തീര മേഖലയിൽ പണം നൽകി വോട്ടുപിടിക്കാൻ ശ്രമിക്കുന്നുവെന്ന് ഫ്രാൻസിസ് ആൽബർട്ട് ആരോപിച്ചു. കോൺഗ്രസിൽ അംഗത്വം എടുത്തതിന് ശേഷമായിരുന്നു ആരോപണം. ഇക്കാര്യം താൻ നേരത്തെ കേട്ടിട്ടുണ്ടെന്നായിരുന്നുവെന്ന് ശശി തരൂരും പ്രതികരിച്ചു. ബിജെപി നേതാക്കൾ തന്നെയാണോ പണം നൽകുന്നതെന്ന് തനിക്ക് അറിയില്ലെന്നും തരൂര്‍ പറഞ്ഞു.