ഡൽഹി: തെക്ക്-കിഴക്കൻ ഇന്ത്യയുടെ ചില ഭാഗങ്ങളിൽ അടുത്ത രണ്ട് ദിവസത്തേക്ക് ശക്തമായ ചൂട് അനുഭവപ്പെടുമെന്ന മുന്നറിയിപ്പുമായി ഇന്ത്യൻ കാലാവസ്ഥാ വകുപ്പ്. ഉഷ്ണ തരംഗം ആണ് ചൂട് കൂടാനുള്ള കാരണം. ഒഡീഷ, ഗംഗാനദി പശ്ചിമ ബംഗാൾ, ജാർഖണ്ഡ്, വിദർഭ, വടക്കൻ കർണാടക, തീരദേശ ആന്ധ്രാപ്രദേശ്, യാനം, രായലസീമ, തെലങ്കാന എന്നിവിടങ്ങളിലാണ് ചൂട് കനക്കാൻ സാധ്യതയുള്ളത്.
ശനിയാഴ്‌ച കിഴക്കൻ ഇന്ത്യയുടെ ചില ഭാഗങ്ങളിലും അടുത്ത 2 ദിവസങ്ങളിൽ തെക്കൻ ഇന്ത്യയിലും കനത്ത ചൂടിന് സാധ്യതയുണ്ട്. ശേഷം ചൂട് കുറയാനും സാധ്യതയുണ്ടെന്ന് കാലാവസ്ഥാ വകുപ്പ് എക്സ‌സിൽ കുറിച്ചു.