ബാങ്ക് വിളിക്കു മുമ്പ് കടകളടച്ച് ഇവരെല്ലാവരും ഈ ഹാളില് ഒത്തു ചേരും. ഒന്നിച്ചിരുന്ന് നോമ്പുതുറക്കും. പഴങ്ങളും സലാഡുകളും നാരാങ്ങ വെള്ളവുമൊക്കെയായി ലളിതമായ നോമ്പുതുറ. കഴിഞ്ഞ കുറേ വര്ഷങ്ങളായി ഇവരുടെ നോമ്പുതുറ ഇങ്ങനെയാണ്.
1980കളില് കച്ചവടത്തിന് കൊച്ചിയിലെത്തിയവരാണ് ഈ കാശ്മീരികള്. മക്കളും കൊച്ചുമക്കളുമൊക്കെയായി കുടുംബസമേതമാണ് ഇവര് കൊച്ചിയില് കഴിയുന്നത്. വസ്ത്ര വ്യാപാരത്തിലും കരകൗശല വസ്തുക്കളുടെ വില്പ്പനയിലുമാണ് ഇവര് കൂടുതലുള്ളത്. വ്യാപാരിയായ ജുനൈദ് സുലൈമാന്റെ സഹായമാണ് ഇവരുടെ കൂട്ടായ്മയുടെ കരുത്ത്. ഒന്നിച്ചിരുന്ന് സ്നേഹം പങ്കിട്ട് നോമ്പുതുറക്കണമെന്ന ഇവരുടെ ആഗ്രഹത്തിന് വഴിയൊരുക്കിയതും ജുനൈദ് സുലൈമാനാണ്.