തൃശൂർ കോർപറേഷനിൽ എൽഡിഎഫിലെ ചില സ്വതന്ത്ര കൗൺസിലർമാർ യുഡിഎഫിൽ ഉടൻ എത്തുമെന്ന് കോൺഗ്രസ് പല്ലൻ പറഞ്ഞു. കെ.മുരളീധരൻ്റെ വരവിന് ശേഷം ചില കൗൺസിലർമാർ താൽപര്യം പ്രകടിപ്പിച്ചിട്ടുണ്ട്. സിപിഐയിലെ ചില കൗൺസിലർമാരും താൽപര്യം പ്രകടിപ്പിച്ചതായി കോൺഗ്രസ് പറയുന്നു. എൽഡിഎഫിലെ സ്വതന്ത്രരായ മൂന്ന് കൗൺസിലർമാരുമായി കോൺഗ്രസ് ചർച്ച നടത്തിക്കഴിഞ്ഞു. ഒരു സീറ്റിൻ്റെ ഭൂരിപക്ഷത്തിലാണ് കോർപറേഷനിൽ എൽഡിഎഫ് ഭരണം നിലനിൽക്കുന്നത്. ഈ സാഹചര്യത്തിലാണ് യുഡിഎഫിന്റെ നീക്കങ്ങൾ ശ്രദ്ധേയമാവുന്നത്.
അതേസമയം, വിഷയത്തിൽ പ്രതികരണവുമായി മേയർ എംകെ വർഗീസ് രംഗത്തെത്തി. തൃശൂർ കോർപ്പറേഷനിൽ ഭരണമാറ്റം ഉണ്ടാവില്ലെന്ന് എംകെ വർഗീസ് പ്രതികരിച്ചു. കോൺഗ്രസിലേക്ക് മടങ്ങില്ലെന്നും വർഗീസ് അറിയിച്ചു.