പേരാവൂരിൽ നിർമാണ സാമഗ്രികൾ മോഷ്ടിച്ച ആൾ പൊലീസ് കസ്റ്റഡിയിൽ

പേരാവൂർ: പേരാവൂർ തൊണ്ടിയിൽ സ്വകാര്യ കമ്പനിയുടെ കെട്ടിടത്തിൽനിന്ന് നിർമാണ സാമഗ്രികൾ മോഷ്ടിച്ച് ആക്രിക്കടയിൽ വിറ്റ പ്രതി യെ പേരാവൂർ പോലീസ് പിടികൂടി. തലശ്ശേരി ടെമ്പിൾ ഗേറ്റ് സ്വദേശി കുന്നുംപുറത്ത് മനോജിനെ യാണ് (59) പേരാവൂർ പ്രിൻസിപ്പൽ എസ്.ഐ. മനോജ്സി.ബിജുവിന്റെ നേതൃത്വത്തിലുള്ള പ്രത്യേക അന്വേഷണ സംഘം കസ്റ്റഡിയിലെടുത്തത്. രണ്ടു ലക്ഷം രൂപയുടെ നിർമാണസാമഗ്രികളാണ് മനോജ് മോഷ്ടിച്ച് കേളകത്തെ ആക്രിക്കടയിൽ വിറ്റത്. പ്രതിയെ വ്യാഴാഴ്ച തെളിവെടുപ്പിനുശേഷം കോടതിയിൽ ഹാജരാക്കും.