വന്യമൃഗത്തിന്റെ ആക്രമണത്തിൽ പോത്തിന് പരിക്ക്

തലപ്പുഴ: തലപ്പുഴ മക്കിമലയിൽ വന്യമൃഗത്തിൻ്റെ ആക്രമണത്തിൽ ഒമ്പത് മാസം പ്രായമുള്ള പോത്തിന് പരിക്ക്. മക്കി‌മല മേലെ തലപ്പുഴ കോളനിയിലെ സുരേഷ് ബാബുവിൻ്റെ പോത്തിനെയാണ് വന്യജീവി ആക്രമിച്ചത്. മുറിവിന്റെ സ്വഭാവം കണ്ട് ആക്രമിച്ചത് പുലിയാകാൻ സാധ്യതയുള്ളതായി വനപാലകർ പറഞ്ഞതായി വീട്ടുകാർ പറഞ്ഞു. ഇന്ന് പുലർച്ചെ 2 മണിയോടെയാണ് സംഭവം. ശബ്ദം കേട്ട വീട്ടുകാർ വാതിൽ തുറന്നു നോക്കുമ്പോൾ വന്യജീവി ഓടുന്നതായി കണ്ടു. പോത്ത് കയർ പൊട്ടിച്ച് ഓടിയതിനാലാണ് പോത്തിന് ജീവൻ തിരിച്ചു കിട്ടിയത് വനംവകുപ്പ് സ്ഥലത്തെത്തി പരിശോധന നടത്തി.മക്കിമലയിലും പരിസര പ്രദേശങ്ങളിലും കാട്ടാനയുടെ ശല്യവും രൂക്ഷമാണ്.