കോഴിക്കോട് കട്ടാങ്ങലിലെ അമ്മ വീട്ടില് വച്ച് അമ്മാവനുമായി വഴക്കുണ്ടാക്കിയെന്ന പേരില് കുന്ദമംഗലം സ്റ്റേഷനില് നിന്നെത്തിയ എസ്ഐയും രണ്ട് പൊലീസുകാരും തന്നെ മര്ദ്ദിച്ചെന്നാണ് പട്ടിഗവര്ഗ്ഗ വിഭാഗക്കാരനായ ഒമ്പതാം ക്ലാസ് വിദ്യാര്ത്ഥിയുടെ പരാതി. ഇക്കഴിഞ്ഞ ബുധനാഴ്ച രാത്രിയാണ് സംഭവം. മാതാപിതാക്കള് ജോലി സ്ഥലത്തായിരുന്നതിനാല് അമ്മ വീട്ടിലായിരുന്നു കുട്ടി കുറച്ച് നാളായി താമസിച്ചിരുന്നത്.
പരീക്ഷ കഴിഞ്ഞ് വീട്ടിലെത്തിയപ്പോള് വൈകിയെന്ന പേരില് മദ്യ ലഹരിയിലായിരുന്ന അമ്മാവന് മകനെ കൈയ്യേറ്റം ചെയ്യുകയായിരുന്നെന്ന് കുട്ടിയുടെ പിതാവ് പറയുന്നു. മകന് മര്ദ്ദനം ചെറുക്കാന് ശ്രമിച്ചതിനെത്തുടര്ന്ന് ഇരുവരും തമ്മില് തര്ക്കം രൂക്ഷമായി. പ്രശ്നപരിഹാരത്തിനായി ബന്ധുക്കള് കുന്ദമംഗലം പൊലീസില് വിവരം അറിയിച്ചു. എന്നാല് സ്ഥലത്തെത്തിയ പൊലീസ് മകനോട് കഞ്ചാവ് ഉപയോഗിച്ചിട്ടുണ്ടോ എന്ന് ചോദിച്ച് മര്ദ്ദിക്കുകയുമായിരുന്നെന്ന് പിതാവ് പറയുന്നു.