കലോത്സവത്തിൽ രണ്ടാം സ്ഥാനം കരസ്ഥമാക്കിയ എൻ എസ് എസ് കെ യു പി സ്കൂൾ സംസ്കൃതോത്സവത്തിലും ശാസ്ത്ര പ്രവൃത്തി,ഐ റ്റി മേളയിലും പോയിന്റ് നിലയിൽ ആദ്യത്തെ പത്തിനുള്ളിൽ വന്നു.ഈ വർഷം സ്കൂളിന് ഉന്നത നേട്ടം കൈവരിക്കുന്നതിന് ഒത്തൊരുമിച്ച് പ്രവർത്തിച്ച കുട്ടികളെയും രക്ഷിതാക്കളെയും അധ്യാപകരേയും യോഗത്തിൽ അനുമോദിച്ചു. പി റ്റി എ പ്രസിഡന്റ് ശ്രീ കെ ഡി മുരളീധരന്റെ അധ്യക്ഷതയിൽ ചേർന്ന യോഗത്തിൽ കൊട്ടിയൂർ ഗ്രാമപഞ്ചായത്ത് പ്രസിഡന്റ് ശ്രീ റോയി നമ്പുടാകം ഉദ്ഘാടനം നിർവഹിച്ചു.ചടങ്ങിൽ വാർഡ് മെമ്പർ ശ്രീമതി ജെസ്സി റോയി കലാമേളയിലെ വിജയികളെ അനുമോദിച്ചു.എം പി റ്റി എ പ്രസിഡന്റ് ശ്രീമതി ജയ ബിജു ശാസ്ത്ര പ്രതിഭകളേയും പി റ്റി എ വൈസ് പ്രസിഡന്റ് ശ്രീ സജി എൻ ജി സംസ്കൃതോത്സവ പ്രതിഭകളേയും ആദരിച്ചു.
ഹെഡ്മിസ്ട്രസ്സ് ശ്രീമതി സുമിത എസ്,ജിഷാറാണി വി എസ് ,രജി റ്റി ഡി, അഞ്ജു സി കെ എന്നിവർ സംസാരിച്ചു.അധ്യാപകരായ ദേവരാജൻ മാവില,ബീന റ്റി ഡി, ശ്രീജ കെ സി,പ്രജിന പി കെ,പ്രീതി പി മാണി,ഉമ കെ ബി എന്നിവർ നേതൃത്വം നൽകി.