ഇയാളുടെ കുടുംബം ലീഗ് കുടുംബമാണെന്നും സഹോദരൻ എസ്ഡിപിഐയുടെ സജീവ പ്രവർത്തകൻ ആണെന്നും യൂത്ത് കോൺഗ്രസ് പ്രവർത്തകർ ആരോപിക്കുന്നു. സംഘടനാ ചുമതല കെകെ റാഷിദ് ഏറ്റെടുക്കുമെന്നാണ് അറിയിച്ചിരിക്കുന്നത്. ഔദ്യോഗിക പക്ഷമോ കോൺഗ്രസോ ഇതിനോട് പ്രതികരിച്ചിട്ടില്ല.
കുറ്റിപ്പുറത്ത് യൂത്ത് കോൺഗ്രസ് സംഘടനാ തെരഞ്ഞെടുപ്പിന് ശേഷമാണ് പ്രസിഡന്റ് അജ്ഞാതനാണെന്ന് തിരിച്ചറിയുന്നത്. വോട്ടുചെയ്ത് ജയിപ്പിച്ചവർക്കുപോലും ആളെയറിയില്ല. കുറ്റിപ്പുറം മണ്ഡലം പ്രസിഡന്റ് മുഹമ്മദ് റാഷിദാണ് അജ്ഞാതനായി തുടരുന്നത്. 40 വോട്ടിനാണ് റാഷിദ് വിജയിച്ചത്. ഔദ്യോഗിക പക്ഷ സ്ഥാനാർഥിയായി മത്സരിച്ച റാഷിദ് ആരെന്ന് അന്വേഷിക്കുകയാണിപ്പോൾ പ്രവർത്തകർ. ഇതോടെ തിരഞ്ഞെടുപ്പിൽ അട്ടിമറി ആരോപിച്ച് എ ഗ്രൂപ്പ് രംഗത്തുവന്നു. ഇത്തരത്തിൽ ഒരാളില്ലെന്നാണ് എ ഗ്രൂപ്പ് ആരോപിക്കുന്നത്.