പ്രായപൂർത്തിയാകാത്ത പെൺകുട്ടിക്ക് നേരെ ലൈംഗികാതിക്രമം; സിപിഐഎം ജില്ലാ കമ്മിറ്റി അംഗത്തിനെതിരെ കേസെടുത്തു

പ്രായപൂർത്തിയാകാത്ത പെൺകുട്ടിയ്ക്ക് നേരെ ലൈംഗികാതിക്രമം നടത്തിയ സിപിഐഎം ജില്ലാ കമ്മിറ്റി അംഗത്തിനെതിരെ കേസെടുത്ത് പൊലീസ്. സിപിഐഎം മലപ്പുറം ജില്ലാ കമ്മിറ്റി അംഗം വേലായുധൻ വള്ളിക്കുന്നിന് എതിരെയാണ് പരപ്പനങ്ങാടി പൊലീസ് കേസെടുത്തത്.കോഴിക്കോട് നല്ലളം പൊലീസ് സ്റ്റേഷൻ പരിധിയിലാണ് സംഭവം നടന്നത്. വള്ളിക്കുന്ന് സ്വദേശിയായ വിദ്യാർത്ഥിനിയുടെ മൊഴി പ്രകാരമാണ് സിപിഐഎം മലപ്പുറം ജില്ലാ കമ്മിറ്റി അംഗം വേലായുധൻ വള്ളിക്കുന്നിന് എതിരെ പൊലീസ് കേസ് രജിസ്റ്റർ ചെയ്തത്. പരപ്പനങ്ങാടി പൊലീസ് രജിസ്റ്റർ ചെയ്ത കേസ് കോഴിക്കോട് നല്ലളം പൊലീസിന് കൈമാറും.