ബിഎസ്എൻഎൽ കനത്ത വെല്ലുവിളിയിൽ, അടച്ചുപൂട്ടേണ്ടി വരുമോ?

പൊതുമേഖലാ ടെലിക്കോം കമ്പനിയായ ബിഎസ്എൻഎൽ (BSNL) കടുത്ത വെല്ലുവിളിയാണ് നേരിടുന്നത്. 2023-ലെ വാർഷിക റിപ്പോർട്ടിലാണ് കമ്പനി വെല്ലുവിളി നേരിടുകയാണ് എന്ന കാര്യം വെളിപ്പെടുത്തിയിരിക്കുന്നത്. കൂടുതൽ കണക്ഷനുകൾ നൽകാൻ സാധിച്ചുവെങ്കിലും വരുമാനത്തിലെ കുറവ് കമ്പനിയെ സാരമായി ബാധിക്കുന്നു. ടെലിക്കോം സേവനങ്ങൾക്കുള്ള താരിഫ് കുറയുന്നതിലൂടെ കമ്പനിയുടെ വരുമാനത്തിൽ വലിയ ഇടിവാണ് ഉണ്ടായിരിക്കുന്നത്. ഇത് ബിഎസ്എൻഎല്ലിന്റെ നിലനിൽപ്പ് സംബന്ധിച്ച ആശങ്കകളിലേക്ക് നയിക്കുന്നുണ്ട്.