‘പ്രഗ്നാനന്ദയെ കുടുംബത്തോടൊപ്പം കാണാൻ കഴിഞ്ഞതിൽ സന്തോഷമുണ്ട്. ഇന്ത്യയിലെ യുവാക്കൾക്ക് ഏത് മേഖലയും കീഴടക്കാൻ കഴിയുമെന്നതിന് ഏറ്റവും വലിയ ഉദാഹരണമാണ് നിങ്ങൾ. പ്രഗ്നാനന്ദയെക്കുറിച്ച് ഓർത്ത് അഭിമാനിക്കുന്നു!.’- പ്രധാനമന്ത്രി എക്സിൽ
പ്രഗ്നാനന്ദയുടെ പോസ്റ്റ് റിട്വീറ്റ് ചെയ്തുകൊണ്ടാണ് പ്രധാനമന്ത്രി സന്ദർശനത്തെക്കുറിച്ച് അറിയിച്ചത്. പ്രധാനമന്ത്രിയെ സന്ദർശിച്ചപ്പോഴുള്ള ചിത്രങ്ങൾ പ്രഗ്നാനന്ദ പങ്കുവെച്ചിരുന്നു. പ്രധാനമന്ത്രി നരേന്ദ്രമോദിയെ അദ്ദേഹത്തിന്റെ വസതിയിൽ കാണാൻ സാധിച്ചത് വലിയൊരു ബഹുമതിയാണ്. തനിക്കും മാതാപിതാക്കൾക്കും പ്രചോദനം പകരുന്നതായിരുന്നു കൂടിക്കാഴ്ചയെന്നും പ്രഗ്നാനന്ദ കുറിച്ചു.