കണ്ണൂരിൽ കവുങ്ങ് തലയിൽവീണ് ഒൻപത് വയസുകാരൻ മരിച്ചു.

പരിയാരം : കവുങ്ങ് തലയിൽ വീണ് ഒൻപത്
വയസുകാരൻ മരിച്ചു. ഏര്യം വലിയപള്ളിക്ക് സമീപത്തെ കല്ലടത്ത് നാസർ-ജുബൈരിയ ദമ്പതികളുടെ മകൻ മഹമ്മദ് ജുബൈറാണ് മരിച്ചത്. ഏര്യം വിദ്യാമിത്രം യു.പി സ്കൂളിലെ നാലാംക്ലാസ് വിദ്യാർത്ഥിയാണ്.

ഇന്നലെ വൈകുന്നേരം
അഞ്ചരയോടെയായിരുന്നു സംഭവം.
പിതാവായ നാസർ തന്റെ വീടിന് മുന്നിൽ അപകടകരമായ വിധത്തിൽ നിൽക്കുന്ന കവുങ്ങ് മുറിച്ചപ്പോൾ വീടിന് നേർക്ക് വീഴുകയായിരുന്നു. മുറ്റത്ത് നിൽക്കുകയായിരുന്ന ജുബൈർ ഓടിമാറാൻ ശ്രമിക്കുന്നതിനിടയിൽ കവുങ്ങ് തലയിൽ വീഴുകയായിരുന്നു.
പരിക്കേറ്റ ജുബൈറിനെ ഉടൻ പരിയാരത്തെ കണ്ണൂർ ഗവ. മെഡിക്കൽ കോളേജിൽ എത്തിച്ചുവെങ്കിലും രാത്രി ഏഴരയോടെ മരണപ്പെട്ടു.
സഹോദരങ്ങൾ: നാജ, മുഹമ്മദ് നജീഹ്. മൃതദേഹം കണ്ണൂർ ഗവ: മെഡിക്കൽ കോളേജ് മോർച്ചറിയിൽ.