കൊല്ലം ശൂരനാട് സ്വദേശിയായ അനിൽകുമാർ ശശിധരൻ (52) ബഹ്‌റൈനിൽ അന്തരിച്ചു. പ്രമേഹബാധയെ തുടർന്ന് വഷളായ ആരോഗ്യനില കാരണം മുഹറഖ് കിങ് ഹമദ് ആശുപത്രിയിൽ ചികിത്സയിലായിരുന്നു. ചികിത്സയിലിരിക്കെ ബുധനാഴ്ച രാവിലെയോടെയായിരുന്നു അന്ത്യം സംഭവിച്ചത്.
കഴിഞ്ഞ കുറച്ചു കാലങ്ങളായി ബഹ്‌റൈനിലെ പ്രമുഖ കൺസ്ട്രക്ഷൻ കമ്പനിയിൽ ജോലി ചെയ്തുവരികയായിരുന്നു അദ്ദേഹം. വിജി ആണ് ഭാര്യ. മകൻ: അഭിരാം.
മൃതദേഹം നടപടിക്രമങ്ങൾ പൂർത്തിയാക്കിയ ശേഷം എത്രയും വേഗം നാട്ടിലെത്തിക്കുന്നതിനുള്ള ശ്രമങ്ങൾ ബഹ്‌റൈനിലെ സാമൂഹിക പ്രവർത്തകരുടെയും ബന്ധുക്കളുടെയും നേതൃത്വത്തിൽ നടന്നുവരുന്നു.
