പൊതുസ്ഥലങ്ങളില്‍ കേബിളുകള്‍ സ്ഥാപിക്കുന്നതുമായി ബന്ധപ്പെട്ട് നിയന്ത്രണങ്ങളും മാനദണ്ഡങ്ങളും സര്‍ക്കാര്‍ ഏര്‍പ്പെടുത്തണമെന്ന ഉത്തരവിന്‍റെ അടിസ്ഥാനത്തില്‍ സ്വീകരിച്ച നടപടികള്‍ മാര്‍ച്ച് 13നു മുമ്പ് സമര്‍പ്പിക്കണമെന്ന് മനുഷ്യാവകാശ കമ്മീഷന്‍.
തദ്ദേശ സ്വയംഭരണ വകുപ്പ്, പൊതുമരാമത്ത് വകുപ്പ് പ്രിന്‍സിപ്പല്‍ സെക്രട്ടറിമാര്‍ക്കും സംസ്ഥാന പോലീസ് മേധാവിക്കുമാണ് കമ്മീഷന്‍ അധ്യക്ഷന്‍ ജസ്റ്റീസ് ആന്‍റണി ഡൊമിനിക് നിര്‍ദേശം നല്‍കിയത്. കേബിള്‍ കുരുങ്ങിയുള്ള അപകടങ്ങള്‍ കൊച്ചി നഗരത്തില്‍ ആവര്‍ത്തിക്കുന്നത് ഗൗരവമായി കാണുന്നതായും അദ്ദേഹം ഉത്തരവില്‍ പറഞ്ഞു.