ശബരിമലയില് ഭക്ഷ്യസുരക്ഷാ വിഭാഗം സീല് ചെയ്തത് 7,07,157 ടിന് അരവണ. അരവണ നിര്മാണത്തിനായി ഉപയോഗിച്ച ഏലയ്ക്കയില് കീടനാശിനികളുടെ സാന്നിധ്യം കണ്ടെത്തിയതിനെ തുടര്ന്നാണിത്. ഇതില് നിന്ന് ദേവസ്വം ബോര്ഡിന് ഏഴ് കോടി രൂപയിലേറെ നഷ്ടം വന്നെന്നാണ് വിവരം.
62 മുതല് 69 വരെയുള്ള ബാച്ചുകളിലെ അരവണയാണ് സീല് ചെയ്ത് ഗോഡൗണിലേക്ക് മാറ്റിയത്. ബാക്കിവന്ന ഏലയ്ക്കയും പിടിച്ചെടുത്തു. ഏലയ്ക്ക കരാറുകാരനെതിരെ ബോര്ഡ് കടുത്ത നടപടിയെടുക്കുമെന്നാണ് സൂചന.
കരാറുകാരനെ കരിമ്പട്ടികയില്പ്പെടുത്തുന്നത് ഉള്പ്പെടെയുള്ള നടപടികള്ക്കാണ് ബോര്ഡ് ഒരുങ്ങുന്നത്. നഷ്ടം കരാറുകാരനില് നിന്ന് ഈടാക്കാനാണ് ബോര്ഡിന്റെ നീക്കം.