സുഗന്ധവ്യഞ്ജന കയറ്റുമതിയില് അടുത്ത ദശാബ്ദത്തില് ഇന്ത്യയെ കാത്തിരിക്കുന്നതു വലിയ അവസരങ്ങളെന്ന് സ്പൈസസ് ബോര്ഡ് സെക്രട്ടറി ബി.സത്യന്.
അന്താരാഷ്ട്ര വ്യാപാര പ്രവചനങ്ങള് അനുസരിച്ച്, അടുത്ത ദശകത്തില് സുഗന്ധവ്യഞ്ജനങ്ങളുടെ കയറ്റുമതി ഡിമാന്ഡില് 6.5 ശതമാനം വര്ധനവുണ്ടാകും. ഇത് കയറ്റുമതിക്കുള്ള വലിയ അവസരത്തെ സൂചിപ്പിക്കുന്നുവെന്ന് മുംബൈയില് നടന്ന ദ്വിദിന നാഷണല് സ്പൈസ് കോണ്ഫറന്സില് അദ്ദേഹം പറഞ്ഞു.
കഴിഞ്ഞ രണ്ടു വര്ഷത്തിനുള്ളില് ഇന്ത്യന് സുഗന്ധവ്യഞ്ജന കയറ്റുമതി നാലുബില്യണ് യുഎസ് ഡോളര് കവിഞ്ഞു. 180-ലധികം രാജ്യങ്ങളിലേക്കാണ് കയറ്റുമതി നടക്കുന്നത്. ആഗോള സുഗന്ധവ്യഞ്ജന കയറ്റുമതിയുടെ 10 ശതമാനം സംഭാവന ചെയ്യുന്നത് ഇന്ത്യയാണ്.