അട്ടപ്പാടിയിൽ തിരുവോണനാളിൽ മൂന്നു വയസുകാരനെ കടിച്ച തെരുവുനായയ്ക്ക് പേവിഷബാധ സ്ഥിരീകരിച്ചു. കുട്ടിയെ കടിച്ച നായ കഴിഞ്ഞ ദിവസം ചത്തിരുന്നു. ഈ നായുടെ സാമ്പിൾ മൃഗസംരക്ഷണവകുപ്പിന്റെ പാലക്കാട്ടെ ആർഡിഡിഎൽ ലാബിൽ നടത്തിയ പരിശോധനയിലാണ് പേവിഷബാധ സ്ഥിരീകരിച്ചത്.
ഷോളയൂരിലെ സ്വർണപിരിവ് ഊരിലെ ആകാശിനാണ് നായയുടെ കടിയേറ്റത്. വീട്ടുമുറ്റത്ത് കളിച്ചു കൊണ്ടിരിക്കെയാണ് നായ ആക്രമിച്ചത്. കുട്ടിയുടെ മുഖത്തിനാണ് പരിക്കേറ്റത്. ഗുരുതരമായി പരിക്കേറ്റ കുഞ്ഞ് കോട്ടത്തറ സ്പെഷ്യാലിറ്റി ആശുപത്രിയിൽ ചികിത്സയിലാണ്. കുട്ടിക്ക് പേവിഷബാധ പ്രതിരോധ വാക്സിന് നല്കിയിട്ടുണ്ട്.