ഓണം സ്പെഷ്യല്‍ ഡ്രൈവിന്റെ ഭാഗമായി നടത്തിയ പരിശോധനയില്‍ കണ്ണൂര്‍ എക്സൈസ് റെയ്ഞ്ച് എക്സൈസ് ഇന്‍സ്പെക്ടര്‍ സിനു കോയില്യത്തും സംഘവും കണ്ണൂരില്‍ നിന്നും ഇരുചക്രവാഹനത്തില്‍ കടത്തുകയായിരുന്ന 10.1745 ഗ്രാം ബ്രൗണ്‍ ഷുഗറുമായി കണ്ണൂര്‍ സിറ്റി സ്വദേശികളായ ഫര്‍ഹാന്‍ കെ.പി, മഷൂക്ക് എന്‍ എന്നിവരെ അറസ്റ്റ് ചെയ്തു. ഇവരില്‍ നിന്ന് 42100 രൂപയും വാഹനവും പിടിച്ചെടുത്തു. കണ്ണൂര്‍ ടൗണ്‍ ഭാഗങ്ങളിലും പരിസരങ്ങളിലും ബ്രൗണ്‍ ഷുഗര്‍ വിതരണം ചെയ്യുന്ന പ്രധാന കണ്ണികളില്‍പ്പെട്ടവരാണ് അറസ്റ്റിലായ ഫര്‍ഹാനും മഷൂഖും. എക്സൈസ് സംഘത്തില്‍ അസിസ്റ്റന്റ് എക്സൈസ് ഇന്‍സ്‌പെകടര്‍ മാത്യു കെ.ഡി, പ്രിവന്റീവ് ഓഫീസര്‍മാരായ സന്തോഷ് എം.കെ, പ്രവീണ്‍ എന്‍.വി, സിവില്‍ എക്സൈസ് ഓഫീസര്‍മാരായ സുഹൈല്‍ പി.പി, സജിത്ത് എം, റോഷി കെ.പി, അനീഷ് ടി, നിഖില്‍ പി, വനിത സിവില്‍ എക്സൈസ് ഓഫീസര്‍ നിത്യ സി, സീനിയര്‍ എക്സൈസ് ഡ്രൈവര്‍ അജിത്ത് എന്നിവരും ഉണ്ടായിരുന്നു.
previous post